簡介
漢語名字：依夫城堡法語名字：Château d'If
場化：地中海
坐標位置：43°16′47″N 05°19′31″E
最高點：24米
人口：無常住人口
城堡建設
1516年辰光，法國國王弗朗斯伐一世（François I）勒勒瑪里娘戰爭，一直打到馬賽。從依夫島來看，伊分析著馬賽根本就嘸么防止外來侵略個防衛設施。葛老，伊命令勒小島浪造一隻防衛城。8年之後，西班牙國王加勒羅斯一世（法文：Charles Quint，伊也是神聖羅馬帝國五世國王）一例想幫馬賽吃下去。特派大臣米朗達勒(Mirandal)成功打退進攻部隊，但是居說明一隻問題：防衛城市進口要加強。勒同一年，也是1524年，頭一批城牆開始建設，來保護港口。
馬賽人弗買賬，伊俚反而幫搿只城堡起壞名叫“討厭個鄰舍”(L'importune voisin)。而且派仔200個兵搭仔22門炮放勒勒島浪。馬賽人開始爭論搿個城堡，對伊俚來講，城堡是國王對馬賽搿個場化擁有權個象徵。
大家曉得馬賽勒勒1481年前弗是法國領土，伊自家有防衛能力，居也是為啥修城堡引發好星衝突。
城堡最後建好勒勒1531年，眼眼話個艾斯巴尼亞國王Charles Quint後來仔1536年親自咦來進攻馬賽，伊勒勒城堡邊頭打轉，朆有本事拿伊下來。
犯人
依夫城堡個監獄功能勒勒城堡造好好幾年後再開始，大約匝16世紀中期。城堡個地理位置搭仔建築風格幫伊變成功理想個牢房，難得有人逃出去。只有有人守住城堡就好哉，而且城堡也從來嘸么人進攻過。
關里向頭一個犯人是1580年盎賽勒姆騎士(Chevalier Anselme)，指控伊陰謀謀反君主制度。伊後來仔勒勒伊牢房裡撥絞死。
除開關仔好星反皇室個人以外，1598年南特赦令頒布之後，牢房裡向也關仔好星新教徒。大約有3500個人，里向有名個有強·賽合(Jean Serres)還有艾里·諾(Elie Neau)，關搿星人關仔200年。
城堡也關過大家族兒子，最後收著蓋信章有個例子是米拉鮑(Honoré Gabriel Riquetti, 米拉鮑伯爵 Comte de Mirabeau)。伊爺勒1774年幫伊關仔里向。但是伊生活蠻愜意，住個地方大，開闊，還有壁爐，窗子等。伊平常尋尋司令開心，勾搭勾搭飯堂女傭人。另外，依夫城堡也關過一隻船(Grand Saint-Antoine號)個船長強-白底斯脫·寫導(Jean-Baptiste Chataud)，搿只船勒1720年幫鼠疫帶到馬賽。
法國大革命辰光，反而嘸多少人撥關仔里向。克萊辦將軍(Général Kléber)是犯人當中最後一個有名點個。1800年勒開羅撥暗殺，伊個屍體送回到法國，勒城堡里向放仔18年。
1848年6月份騷亂，120個人撥關了里向。
共和主義者
1852年12月2號國家政變之後，304個犯人撥塞仔城堡里向，準備傳送到阿爾及利亞搭蓋亞那(La Guyane)。 1870年，法國第二帝國崩脫，共和主義者撥鎮壓。巴黎獨立訊息傳出去之後，伽斯冬·克萊米友(Gaston Crémieux)當仔占領省政府運動個頭頭子。伊俚搿星人撥部隊抓出來，公社解體，伽斯冬·克萊米友撥送到依夫城堡，後來1871年槍決。
犀牛
1513年，印度古石拉王國(Guzarat)個國王送撥葡萄牙國王艾馬努艾勒大帝(Emmanuel le Magnifique)一隻亞洲犀牛。
犀牛木版圖右面搿只圖是1515年有名版畫家阿爾孛萊希托 杜萊爾(Albrecht Dürer)根據Valentin Ferdinand個草圖勒木頭浪做個版畫。
犀牛勒勒島浪養仔幾個禮拜，後來坐船去羅馬，但是海浪大風暴幫船打沉脫，後來仔人勒勒極挪阿（Genoa）海灘看見沉脫船個木架，海員屍體海岸浪跑跑看見一個。
基督山伯爵
依夫城堡真正有名勒勒一本書浪：阿萊克桑特·具馬(Alexandre Dumas)個基督山伯爵。里向主人公艾特蒙·堂戴斯(Edmond Dantès)撥關勒勒依夫城堡。
要看小說法文原版，請點擊搿敦
開放旅遊時刻表
5月1號 - 9月15號: 天天開放 9點-18點30 9月16號 - 3月31號: 禮拜一弗開放 9點-17點30 4月1號 - 4月30號: 天天開放 9點-17點30 1月1號,12月25號弗開放
價錢
18歲以下免費 成人票 5歐元 優惠票(25歲下學生子) 3.5歐元 特別職業免費(記者、建築師等等)
