作品簡介
陳子年與弟子良窺見繼母陳氏趁夫離家上京與教頭深通姦，年慮及家聲，著良隱瞞其事。深懷恨，將年害至雙目失明。年被逼離家行乞度日，復被深毆至重傷，幸與指腹為婚之未婚妻曾楚雲重逢，得雲細意撫慰。陳和深又誣告年偷竊，雲挺身代年申冤，年得免罪，並在雲照料下重見光明。此時，年父返家，陳肆意抵毀年，深更欲殺良滅口，卻誤傷陳，年為救弟將深殺死。年父追問究竟，年不忍揭繼母惡行，代為遮瞞，陳覺悟，謝年後瞑目而終。主要角色
| 演員 | 角色 |
| 新馬師曾 | 陳子年 |
| 吳君麗 | 曾楚雲 |
| 鳳凰女 | 陳夫人 |
| 半日安 | 曾仁窮 |
| 李香琴 | 曾楚群 |
| 黃鶴聲 | |
| 劉克宣 | |
| 張生 | |
| 阮兆輝 | |
| 黎雯 |
萬惡淫為首之乞食對白
[大雷大雨南音長序黃子年持竹竿與砵頭乞食介]唉﹗冷得我騰騰震﹐真系震到入心﹐心酸我仲發緊冷咯﹗乜好似腳軟難行﹐乜點解行行又似覺好似身不穩﹐點搵得個各位善長仁翁﹐希望佢做一點好心﹐唉﹗心傷嗟怨不幸逢絕運呀﹗虧我運蹇時歪[苦喉]﹐都不幸作了盲人。
[拉龍舟腔過長序]
[白]唉好心啦大姑﹗施捨下啦大姑﹗[接]唉﹗正系人逢絕境都一定多哀感﹐我自己感懷身世都本想去自輕生﹐一個人生生死死本系無足恨﹐恨我心頭仍掛我有位老父未歸臨﹐我記得佢臨行佢仲對住我仲諄諄訓﹐訓示話攬[諧音]過床頭都算父母恩﹐恩恩怨怨不敢把我娘記恨﹐恨佢恩將仇報。
[轉乙反二王]知我者惟有三呎既靈神。[流水行雲]正系神鑑諒我心暗自告稟﹐哎也天公得許父相見﹐我話過今生死無怨憾﹐自甘委屈﹑我自甘身作墮落人﹐呢佢對我雖黑心﹐知我對佢真恩深﹐願爹媽兩相印﹐願爹媽休怒憤﹐我就為求庇蔭[雙句]﹐今日誤我呢一世﹐禍起祇為系淫﹐自嗟暗自還帶恨。
[收掘叫白]福心呢﹗[襯序]好心呢﹗[襯序]可憐下呢個盲眼乞兒仔喇﹗[襯序]真飢餓咯﹗[襯序]又淒涼呀呢﹗少奶有乜冷飯菜汁施捨下呢﹗[轉木蘭從軍小曲]邊個好心啦﹗打救呢個盲人﹐褔心更善心﹐救苦又救貧﹐望求做點好心﹐打救我貧共困﹐保佑你地生意滔滔一本贃萬金﹐保佑你長年富貴都越舍還仲有﹐我自嘆今生不幸﹐真感激各位大貴人。
[惡狗咬人介][楚雲白]乳娘呀﹗你快的救個個乞兒仔啦﹐個只狗就黎咬死佢喇﹗快的啦﹗
[乳娘白]得喇﹗得喇﹗衰狗﹐病狗﹐想攞人命咩﹗
[楚雲白]咦﹗乳娘呀﹐個乞兒仔系陳公子黎架﹗
[乳娘白]系咩﹐咁快的叫醒佢先至講啦。
[楚雲白]喔﹗
[推介白]陳公子﹐陳公子。
[子年白]你系邊個呀﹗[雙句]。
[楚雲白]乜你唔認得我咩﹗
[子年白]我﹐小姐﹐我盲架﹗我睇唔到架我﹗
[楚雲白]嚇﹗你系盲既﹗
[子年白]我盲架﹗
[乳娘白]呢位就系你既未婚妻曾楚雲小姐吖嗎﹗
[子年白]啊﹗我未婚妻曾楚雲。
[哭相思]小姐﹐點解你又會走到黎呢度架小姐。
[楚雲白]你唔好喊﹐聽我講。
[子年白]你做咩野事得架﹗
[楚雲白]因為我亞爹要我另嫁他人﹐所以我同乳娘一齊出走﹐一心黎到搵你個咯﹗
[子年白]搵我呀﹗[哭介]
[楚雲白]咦﹗你做乜喊得架﹗嚇﹗
[子年白]無野﹗
[楚雲起小曲拷紅唱]公子呀﹗你為何淚滿痕﹐奴奴願意共你謀自奮﹐真心相愛又豈相分﹐縱使如何共郎丐食願捱苦心相印。
[白]你唔好喊啦公子。
[子年唱]聽嬌卿真心可感﹐既難成就將婚另嬪﹐只為今生我已作盲人﹐點忍再誤婚。嘆此身似孤雁離群﹐愁無能將嬌護蔭﹐應該早歸去﹐免令人久等。
[楚雲唱]我既負盟﹐點解我共乳娘出走了將郎尋﹐我並無話嫌棄﹐拋君你竟作咁狠心﹐敢對君永不相分生死同衾。
[子年唱]玉人愛﹐愧未能接受婚嬪﹐多添苦困﹐今生總算我負了恩﹐更負了心﹐休再為我傷神。
導演簡介
新馬師曾鄧永祥
藝名：新馬師曾廣東順德人。
九歲隨何壽年(何細杞)學粵劇，十歲時入“一統太平”班赴四鄉演出，
早已有神童的稱號。
新馬師曾因演戲時模仿名伶馬師曾，
於是他師傅給他改了“新馬師曾”這個藝名。
自三十年代至今，新馬先後參加過多個劇團及多次自組劇團演出；
早期有“覺先聲”及“定乾坤”等著名劇團，亦曾自組“玉馬男女劇團”。
四、五十年代，新馬除了自組“新馬劇團”之外，亦參加過“新艷陽”、
“新龍鳳”、“新利年”、“龍鳳”等劇團。
