含笑半步釘

看過周星馳的唐白虎點秋香的朋友都知道“含笑半步釘”。是唐白虎為了嚇唬華夫人而想出來的不存在的所謂家傳毒藥。
以下是“含笑半步釘”的經典對白。
稟夫人，小人本住在蘇州嘅城邊，家中有屋又有田，生活樂無邊。點知個唐伯虎，佢橫蠻不檢點，勾結官府目無天，巧取豪奪我家田。我阿爺同佢反面，慘 被佢一棍來打扁，我阿嫲鬧佢欺善，更被佢捉了去唐府，強姦了一百遍，一百遍，最後重懸樑自殺慘無邊。佢還將我父子，逐出了家園，流落到江邊。我為求養老父，只有獨自行乞在廟前。點知個唐伯虎，佢實在太陰險，知道此情形，竟派人來暗算，把我父子狂毆在市前，小人身壯健，殘命得留存，可憐老父佢魂歸天！此恨更難填。為求葬老父，唯有賣身為奴 咁作賤，一面勤賺錢，我一面讀書篇，發誓把功名顯，手刃仇人意志堅！從此唐寅詩集伴身邊，我永記此仇不共戴天！華夫人：哈哈~~~~我話畀你知，頭先你飲嗰啲參茶，我已經落咗天下第一奇毒“一—日—冚—包—散”！
唐伯虎：哈哈~~~~天下第一奇毒，幾時輪到你哋“一日冚包散”？！應該系我哋唐家嘅“含笑半步釘”至啱！
華夫人：哈哈~~~~廢話！我哋“一日冚包散”系用七種唔同嘅毒蟲，再加埋鶴頂紅，提煉七七四十九日而成，無色無味，殺人於無影無蹤。
唐伯虎：哼，我哋“含笑半步釘”系用蜂蜜，川貝，桔梗，加上天山雪蓮配製而成，無須冷藏，亦不含防腐劑，除咗毒性猛烈之外，味道重好好添。
（兩人面對鏡頭，響起諧趣音樂，成廣告模式）
華夫人：食咗“一日冚包散”嘅人，一日之內會武功全失，經脈逆流，胡思亂想，以至走火入魔，最後會冚包散曬而死嘅。
唐伯虎：沒錯嘞！而食咗“含笑半步釘”嘅朋友，顧名思義，系不能行前半步，或者面露笑容，否則亦會全身爆炸而死。實在系居家旅行－－
華夫人：殺人滅口－－
兩人：（齊聲）必備良藥！