《原鄉II》

歌曲內容
古早台灣無人知
海賊打開大舞台
紅毛仔到美麗世界
大船靠岸相招來
平埔青番無人管
溫泉礦金無設限
漳泉鄉民唐山苦艱
為求生存來討趁
各種族群相車拼
甚人占到甚人贏
荷蘭頂真安平起廳
海域仔貿易生理定
等甲明朝落南來
阿成仔海軍來開台
存亡定著無法安排

復明意志傳後代
講甲清朝的時代
移民過海有障礙
先民冒著危險偷渡
中途埋冤苦憐代
清朝當時來接管
看做小小的台灣
衙門老爺污吏貪官
一貴爽文來作亂
各鄉移民田爭土
結伴換帖做伙雇
鬥來鬥去拚死怨妒
死傷合葬同歸所
講甲光緒阿本仔反
後來鴻章訂馬關
無情無義放撒台灣
全民憤慨直怨嘆
接管初期烏暗暝
台灣仔踏入受難池
軍火防備冤魂來加添
悲情霧社噍吧年
糟蹋刁難半世紀
喊來扇去數百年
連回的冤屈孤兒的身命
拖磨著驚為甚么
今嘛台灣人人知
行入世界大舞台
講來不信美麗寶島
前人的保庇想看見