![雙喜臨門[農夫演唱歌曲]](/img/5/98b/nBnauM3X3gDMwUDNzgTOwMzM1UTM1QDN5MjM5ADMwAjMwUzL4kzLyczLt92YucmbvRWdo5Cd0FmL0E2LvoDc0RHa.jpg "雙喜臨門[農夫演唱歌曲]")
歌曲：雙喜臨門
歌手：農夫
作曲：C君
填詞：農夫
編曲：Randy Chow / 徐浩
監製：Randy Chow / 徐浩
歌詞：
當你好憎你爸爸 攞佢張結婚相睇嚇
當晚佢娶你媽媽 首先要接新娘 啲姊妹無個似樣
玩game定系玩命 玩過嘅都驚 慘過去O Camp
老婆喺度執妝 班兄弟俾人濕corn
個個都失儀 無人理吉時
好啦好啦搞嚇搞嚇終於去到擺酒
又要影相又要握手老婆俾人拐走
嗰幾台啲親戚 冇一個識 開飯到散席 見嘢就食
一家七口俾七舊 你老豆話 親戚唔需要珍惜
萬幾蚊圍要話酒微菜薄 萬幾人嚟（餵走未）再踱
外母又十圍 奶奶又十圍 兩個人一齊啲家長要威
呢對夫妻坐低計一計 最緊要系（攞酒嚟）
搞一晚又無咗首期 佢當初最偉大冇得比
全世界講一次恭喜（恭喜）
結婚即刻當晚有咗你（有咗你）
全世界講多次恭喜（恭喜）
你生仔咪鬼激氣 結婚相永久一世鑲起
當你好憎你媽媽 攞你張BB相睇嚇
你系點樣變到而家 咁就要請返攞起驗孕棒嗰晚
（恭喜恭喜） 恭乜喜 樓都未供得起 就要供你
一開頭 一味系嘔 一系好胃口到食得落一圍酒
成日去廁所 但系一直 嚟嚟去去得一滴
呢樣唔做得 嗰樣唔食得 大肚婆淨系識得抑鬱
生仔仲要爭位醫院話唔系用人仔（抵你有問題）
等到作動一生生咗十個鐘頭 唔講有幾痛你老豆嚇到要急救
話咁快就要餵人奶 啜到型都變埋都仲系唔夠派
成個月 瞓一晚 唔死都虛脫 坐月未補返又要擺滿月
姨媽姑姐多到 個個要姜醋 BB衫好多套 送現金好無
（有便便）要Po上Facebook（早一年）要報定Playgroup
以前36/24/36 今日？ 你老豆返咗大陸
佢當初最偉大冇得比
全世界講一次恭喜（恭喜）
結婚即刻當晚有咗你（有咗你）
全世界講多次恭喜（恭喜）
你生仔咪鬼激氣 結婚相永久一世鑲起
嘴佢（嘴佢） 除衫（除衫）
乾呀（乾呀） 乾呀（乾呀） 清啦
全世界講一次恭喜（恭喜）
結婚即刻當晚有咗你（有咗你）
全世界講多次恭喜（恭喜）
你生仔咪鬼激氣 結婚相永久一世鑲起
全世界講一次恭喜（恭喜）
結婚即刻當晚有咗你（有咗你）
全世界講多次恭喜（恭喜）
你生仔咪鬼激氣 結婚相永久一世鑲起
