內容介紹
點解出街想買本 cute d sweet d o既公仔書都無？乜香港無 cute 同 sweet o既讀者o架咩！？
唔係！肯定有！所有女仔都鐘意得意o野靚o野，只係唔面對自己o既感情o者！攪到自己成隻潮蛋咁！成粒機智豆咁！
o黎啦！o黎料啦！無需要矜持，大家都係女仔，實行 cute 爆你！
故事意念（包含兩個故事）：
《耳朵下垂的兔子》
故事裏的兔子，是按照作者最心愛的兔布偶的模樣畫成；故事中牠由於長時期 High Tea，過度沈悶，因而連長長的兔耳朵也垂下來，別人都認不出牠是一隻小兔；一天小兔卻立意要做點讓人驚奇的事，決定要養一尾鱷魚！
《憂鬱藍兔》
仙境裏最小的兔洞，住著最小的兔子，最後的藍血，毛色也是藍藍灰灰的憂鬱藍兔；以細小的身體弱小的心靈，在現今世代負著千年家族祖訓，要生存，還是生活？
作者介紹
如果講幾時開始畫公仔，係唔知。好似記憶所及已經有畫下，一直畫到而家。我又唔係話好鍾意畫野，我估如果有第二d好玩野就不會咁悶坐係度畫幾個鐘咁，稱不上鍾意，只係成日都要畫先安樂。我成長於封建家庭及歷史悠久的教會小學中學，養成性格鬼鼠及喜樂精緻事物，對外界認識只限於音樂、電影、書籍，所以畫的畫通常縮埋畫，畫得很細張及仔細。
品性尤關，自小養成，在團體中不能介入，所有反叛、熱情、寂寞都放在個人興趣中，養成愛作野和亂估，所以畫的畫個感覺不太真實，看上去像虛構，無論如何在世修行及與人接觸。
我是一個讀完中五無中六收，唯有讀 ive，讀完 ive 無人收，唯有亂打工，沒受藝術訓練，至多小時參加街坊畫室，因為放棄不了繪畫而搞畫展和出書，而且我相信世上許多像我的人，看見我畫的東西會開心。世界是核突，面對之餘，得閑時要開心下。That’s all。
