小說類型綜合其它內容簡介一個扎扎跳嘅靚妹仔,只因父母掛住搵食,忽略佐個女嘅生日,細佬女一時任性,憤然離家出走。阿果無聊到出汁,憎死名牌大學害佢做功課,偷偷鼠入著名學府報仇雪恨,佢偷摘生果,特登破壞校園綠化,被保全仔追到氣都咳,陰差陽錯闖入怪博士嘅研究室。阿果搞搞震,亂掂D儀器,搞到好大鍋,仲將古怪博士一隻戇居居嘅機械公仔帶到遠古生番時代,不過哩只機械公仔善惡不分,低B到冇譜,激到阿果生蝦甘跳,靜靜雞走佬。蛙仙谷入邊,阿果遇到成班古靈精怪嘅奇人,以前認定系厄鬼食豆腐嘅神奇本事一個個呈現,但哩D神奇人物心懷鬼胎,相互殘害。阿果混跡當中大擺烏龍,竟然成佐掌握哩班奇人命運利益嘅關鍵人物,經歷一連串嘅兇險磨難,飽嘗辛酸痛苦孤獨後,果陣先至懂得有屋企的溫暖,點知千辛萬苦仲系搵吾到番屋企嘅辦法。正當阿果絕望時,當初認為一無是處、低B可惡嘅機械熊貓卻發揮佐大作用,鐵皮仔有住各種未曾開發嘅強大功能,阿果卒之番向現代……
